Hjálmtýr útskrifaðist með BSc gráðu í sálfræði frá Háskólanum í Reykjavík árið 2019. Vorið 2021 útskrifaðist hann með MSc gráðu í klínískri sálfræði einnig frá Háskólanum í Reykjavík og fékk starfsleyfi í kjölfarið.
Hjálmtýr öðlaðist klíníska reynslu frá starfsþjálfun sinni hjá Reykjalundi og hjá Sól sálfræði- og læknaþjónustu. Þar fékk hann þjálfun í meðferðarvinnu með fólki á bæði verkja- og gigtarsviði og með ungmennum undir handleiðslu reyndra sálfræðinga. Þar vann hann meðal annars við meðferð á þunglyndi, kvíða, lágu sjálfsmati, langvarandi verkjum og hlutverkamissi. Þá notaðist hann aðallega við HAM við greiningu og meðferð. Eftir nám hóf Hjálmtýr störf hjá Reykjalundi sem sálfræðingur á bæði verkja- og gigtarsviði. Einnig hefur hann sinnt greiningum og meðferðarvinnu á sálfræðistofum samhliða og séð um fjarhópnámskeiðin ACT að bættri líðan og ACT við þrálátum verkjum hjá VIRK.
Hjálmtýr hefur áhuga á íþróttum og að vinna með íþróttafólki. Hann hefur verið í handknattleik á afreksstigi í yfir áratug og hefur góða þekkingu og reynslu á íþróttaumhverfinu. Áhugi Hjálmtýs innan sálfræðinnar er að vinna með kvíða, lágt sjálfsmat, langvarandi verki og íþróttasálfræði.
Hjálmtýr starfar sem sálfræðingur hjá Domus mentis geðheilsustöð og tekur sín viðtöl þar.
Viktor starfar á Kvíðameðferðarstöðinni og Heil – heilsumiðstöð þar sem hann vinnur við meðferð á þunglyndi, kvíða, lágu sjálfsmati, kulnun, áföllum og íþróttasálfræði. Þá notast hann aðallega við HAM og ACT við greiningu og meðferð. Eftir nám hóf Viktor störf hjá Kvíðameðferðar-stöðinni sem sálfræðingur. Þar sinnti hann greiningu og meðferð einstaklinga sem og stýrði hópmeðferðum.
Einnig hefur hann sinnt greiningum og meðferðarvinnu á Heil- heilsusmiðstöð þar sem hann vinnur í þverfaglegu teymi sálfræðinga, sjúkraþjálfara og næringarfræðinga.
Viktor hefur áhuga á íþróttum og að vinna með íþróttafólki. Hann hefur verið í knattspyrnu á afreksstigi í yfir áratug og hefur góða þekkingu og reynslu á íþróttaumhverfinu. Lengst af hefur Viktor spilað með Breiðabliki en einnig öðrum liðum. Viktor á einn landsleik fyrir Íslenska landsliðið í knattspyrnu.
Viktor starfar sem sálfræðingur hjá Heil – heilsumiðstöð og Kvíðameðferðarstöðinni og tekur sín viðtöl þar.
